Ynskjer du å designe og bygge din eigen fjernstyrt bil, båt eller drone? Eller noko heilt anna? På Teknologi, design & produksjon kan du utvikle produktet ditt frå skisse til ferdig produkt.
På denne linja får du mogelegheit til å utvikle deg sjølv innan for dine interessefelt. Her får du høve til å kunne både designe og produsere det du vil med dei fleste materialer. Kun fantasien set grenser.
Om du ynskjer å få utvikle deg innanfor det du allereie er god på eller du har lyst til å prøve noko nytt så tilpassar vi det ut frå ditt nivå.
På linja Teknologi, design og produksjon får du prøve ut det nyaste og beste innanfor produksjonsretta teknologi. Her får du bruke di skaparlyst og kreativitet til å produsere det du ynskjer. Gjennom året blir det lagt opp til ulike typar prosjekt, både saman med andre eller åleine - heilt etter dine behov.
Her kan du sjå døme på kva du kan teikne og lage.
I vårt proffesjonelle labratorie som vi har saman med Fagskulen på Vestlandet og Høgskulen på Vestlandet har vi tilgang på eit stort utval av maskiner. Det har blant anna blitt laga produkt som har blitt nytta i redningaksjonar under vatn. Labratoriet har også utvikla produkt til store profesjonelle verksemder.
Sjå bileta under på eksempel på kva som kan lagast.
Som folkehøgskule-elev vil du også bli ein del av eit inkluderande skulemiljø. Nokre av timane vil bli gjennomført på skulen, og nokre i labratoriet. Det er mogeleg å ta med gaming-pc dersom du ynskjer dette.
Dei kristne folkehøgskulane har eit kristent verdigrunnlag. Dei er eigde av, eller knytt til, kristne organisasjonar eller trussamfunn. Dei vil gjerne ha elevar med ulike interesser og livssyn.
