Sunnfjord Folkehøgskule

• Morgonsamling dagleg
• Aktuelt - Lett og fin time, der ein går igjennom nyheitsbiletet og saker som engasjerer
• Kor og allsong: Å synge er sosialt og utviklande.
• Tru og livssyn: Grunnleggande kunnskap om den kristne trua.
• Internattime: Dei som bur saman på internatet har timar med allmenne tema.
• Laurdagsseminar: Kvar laurdag er vi saman om ulike tema. Det kan vere aktivitetar, eller det kan vere temaer som engasjerer.

Du skal velje eit valfag á tre timar pr veke. Du skal velje nye fag tre gongar i løpet av året. Dei faga vi har på denne lista er eksempel på fag som kan bli, basert på erfaringar dei siste åra. Det kan bli annleis neste skuleår. I tillegg har vi heile valfagsdagar gjennom skuleåret.

Ballspel

Ulike ballspel på mosjonsniva, passar for alle. Det skal vere gøy å halde seg i form.

Band

Bandet har ein viktig funksjon i skulen si årlege musikaloppsetting. Dkulen har tilgang til dei vanlegaste bandinstrumenta, i tillegg kan du sjølvsagt ha med eige instrument.

Basketball

Enkelt nivå, passar for alle.

Beachvolleyball

Haustaktivitet på skulen sin nye sandvolleyballbaner.

Dans

Vi har høgt utdanna danselærar og to gode dansesalar med spesialparkett. Du lærer fleire typer dans, og gruppa har ein viktig funksjon i skulen si musikaloppsetting.

Dokumentar og diskusjon

Vi ser aktuelle dokumentarfilmar og diskuterer innhaldet. Faget tek opp aktuelle saker som dukkar opp i nyheter og offentlege diskusjonar.

Fjelltur

Korte dagsturar i naturen som ligg nær oss.

Fotball

Fotball på mosjonistniva på kunstgrasbane. Lærar som har vore aktiv fotballspelar.

Gitar

Nybegynnaropplæring.

Havkajakk

Lær å meistre kajakk på fjorden.

Idrettspsykologi

Motivasjon og prestasjon.

Klatring

Innandørs klatring i nytt klatresenter. Prisen er ikkje fastsett.

Mat på bål

Matlaging på bål når du er på tur.

Mat-auk

Vi haustar av det naturen gir og lagar mat av det. Bær og sopp, frukt og grønt. Fisking i sjø og vatn.

Matlaging

Du lærar å lage god og næringsrik hybelmat.

Minikor

Å synge fleirstemt i ensemble. Også solistoppgåver dor den som vil det.

Multisport

Ulike idrettar og aktivitetar som passar for dei fleste.

Piano

Begynnaropplæring i små grupper.

Politikk og samfunn

Kunnskap og debatt rundt aktuelle skaer i samfunnet som vedgår oss alle.

Styrketrening

Skulen har eit moderne treningsstudio. Du får lære korleis du skal trene fornuftig for å oppnå betre fysisk form.

Teater musikal

Elevane er med og lagar årets musikalforestilling.

Teaterproduksjon og design

Lage det som trengs for å sette opp vårt felles musikalprosjekt.

Volleyball for alle

Skulen har volleyball på høgt nivå, men valfaget er for alle som vil spele på mosjonsnivå.

Førde er ein bygdeby med ca 13 000 innbyggarar. Førde ligg midt i Sogn og Fjordane fylke, på E39 mellom Ålesund og Bergen.

Det er fint å sykle i Førde, for det er nesten ingen bakkar der du har bruk for å dra.

Ekspressbuss frå Oslo, Bergen, Trondheim (nattbuss, sjekk om den er oppe att etter pandemien) og Ålesund. Fly frå Oslo (1 time) og Bergen. Flybuss "til døra" (haldeplass Rusta.)

Skulen ligg 2 km frå sentrum, og dit går det bybuss regelmessig. Du går av på haldeplass Rusta. Ein liten bakke opp, så er du på skulen.

Med bil reiser du slik:

• Frå Oslo: Raskast over Hemsedalsfjellet via Gol. Ei ferje over Sognefjorden. Det går sju timar.
• Frå Bergen: E39 nordover, tre timar frå Bergen.
• Frå Ålesund: Om Stranda - Stryn eller om Volda. 4 timar.
• Frå Trondheim: Via Otta og Stryn. 7,5 timar.
• Frå Kristiansand: Via Drammen, Hokksund, Noresund og Gol/Hemsedal. 10 timar.

Finn reiserute fra der du bor

• Førdehuset (2 km), kulturhus med storhall, to kinoar, symjehall, bibliotek, teater, stadion og kunstgrasbane.
• Hafstadparken (3-4 km), ein idrettspark med to kunstgrasbaner, fire beachvolleyballbaner og mange andre aktivitetar.
• Førde sentrum: Svært godt butikktilbod med alle typer handel.
• Veldig fine turstiar rett ved skulen. mange fine toppar på rundt 700-900 meter i kort avstand.
• Sentralsjukehuset 500 meter avstand.
• Bademuligheiter (!) i elva rett ved skulen.
• Skianlegg for langrenn (10 km reise), alpint (15 km og 20 km).

Alle dagane startar med ei morgonsamling der alle er samla. Det er flest linjetimar på vår timeplan. Linjene ofte på tur eler har treningsøkter eller anna undervisning. Fleire av dagane har vi også fellestimar eller valfagstimar. På laurdag har vi eit seminar med forskjellige tema kvar veke. Alle folkehøgskular har undervisning på laurdagar.

• Vi startar 23.8.2025
• September: Felles overnattingstur.
• Oktober: Haustferie i veke 41
• November: Julemesse
• Desember: Fotballcup, førjulsaktivitetar, juleferie
• Januar: Nyttårsball. 
• Februar: Vinterferie
• Reiseperiode i mars for heile skulen. 
• Påskeferie i april
• Mai: Avslutning 

Linjer som har fleire turar har fleire reiseperiodar.

Musikal

Vi har musikalforestilling på haustsemesteret. Alle elevane er med på prosjektet. Hovudroller blir tildelt på bakgrunn av audition. Prosjektet involverer, kor, dans i ulike besetningar, akrobatikk, teknisk stab, scenografi, kostyme, sminke m.m. Alle vil finne ein naturleg plass i oppsettinga.

Enkelte valfag vil begynne å førebu musikalen frå starten av skuleåret, det gjeld også linjene Dans Multisport , Musikal Teater i tillegg til Kor-fellesfag og diverse valfag.

To veker før forestillinga går mykje av undervisninga med til øving, og siste veka er det fullt fokus. Forestillinga har dei siste åra for det meste gått i Førdehuset, som er kulturhuset i byen. Den store salen har plass til 600 tilhøyrarar. Siste året sette vi opp musikal i Førde Kyrkje.

Om ei av dei tidlegare forestillingane ser du her.

Vi har også bistandsprosjekt som støttar Kamam Folk High Scool på Sri Lanka. Det toppar seg med eit bistandsløp i sentrum på våren.

Nokre kveldsaktivitetar er obligatoriske, slik som

• treningar og andre aktivitetar som inngår i undervisninga.
• elevkveldane på laurdag kveld som går på rundgang på linjene å arrangere.
• enkelte spesielle arrangement i løpet av skuleåret. Dette kan vere: Bistandsarrangement, julemesse, nyttårsball, førjulsfest.

Dei andre kveldsarrangementa er frivillige, slik som

• Tru og tanke, som er ei kristen samling med andakt, ettertanke og sang.
• Stipendiatane, elevrådet eller andre arrangerer miljøaktivitetar som det er fint om alle er med på.

Vi har 18 års aldersgrense, dvs fylle 18 det året du startar. Elles er det ingen krav.

Vi tek inn elevar under 18 år i enkelte tilfelle. Det skjer på bakgrunn av samtale med søkjar og foreldre/føresette.

Elevar med tilpasningsbehov er velkomne. Sjå Tilpassa Sunnfjord.

Bygninger

• Vår bygningsmasse er delvis tilgjengeleg for rullestol
• Våre bygg er ikkje universelt utforma, men vi legg til rette så godt vi kan for funksjonsnedsettingar.

• Vi har fem rom einerom med bad og ti einerom utan bad.
• Vi har to rom som er universelt utforma.
• Vi har ein bygningsmasse frå -60, -70 og 80-talet med ramper til deler av internatet. 2. etasje har ikkje anna tilkomst enn trapper. Store deler av internatet blei renovert på 2000-talet med bad på rommet.
• Vi har toalett i kvar etasje og på mange av romma.
• Vi har tre HC-toalett
• Vi har trappeheis mellom etasjane i skulebygg, i tillegg har begge inngangane tilgang utan trapper
• Utearealet er asfaltert
• Vi har automatisk døropning på internat og skulebygg
• Lydforsterking: Fastmonterte lydanlegg i matsal og gymsal, Mobile høgtalaranlegg.

Mat

Vi tilbyr glutenfri mat, laktosefri mat og tilpassing til andre allergiar for dei som har legeattest. Gi oss beskjed i god tid slik at vi

kan legge til rette for deg. 

Vi tilbyr også vegetar-mat til dei som ønskjer det.

Om det er mat du ikkje kan ha av religiøse grunnar eller av andre årsaker, ta kontakt med oss. 

Faglig og sosialt

Vi tilpassar så langt det er mogleg slik at du kan delta på linje med dei andre.

Det kan f.eks. vere: 

- Legge til rette for pausar

- Finne alternative løysingar om aktivitetane blir for omfattande

- Vi har fokus på ein god og trygg oppstart og eit inkluderande miljø

- Vi har internatleiar, miljøarbeidarar og andre tilsette som du kan snakke med om du ønskjer det.

Ta kontakt med oss for å høyre kva vi kan gjere for å legge til rette for dine behov.