Du skal få trene variert og prøve ut mange idrettar, og du skal på eventyrlege opplevingar i storslått vestlandsnatur.
Det er gode forhold for vinteridrettar i området rundt Sunnfjord folkehøgskule. Vi skal ha eit langrennskurs og gå i dei flotte skiløypene ved Langeland skisenter. Det er gode forhold for skiturar og toppturar. Om du har toppturutstyr så er det veldig bra, men ikkje noko du må ha for å gå denne linja. Det ligg veldig godt til rette for toppturar i Sunnfjord, men du skal også få stå på slalomski eller snowboard. I tillegg til å reise i Hodlekve skisenter skal vi også ha ei lita veke i Hemsedal i skianlegget der.
Det blir surfekurs i Hoddevika som er omkransa av vill og vakker natur.
Du vil få vere med på fjellturar og overnattingsturar. Du skal få lære å lage bål, og lære å lage mat ute i naturen.
På Sport Adventure prøver vi ut ulike idretter og aktiviteter. Det blir ein del ballidrettar, trening i treningsstudio og spinningsal. Felles vårtur for heile skulen er noko av det siste vi gjer ilag før det er skuleavslutning i mai.
I gymsalen skal vi spele forskjellige ballidrettar og i treningsstudio trener vi minst èin gong i veka. Vårt nye treningsstudio på skulen kan du bruke så ofte du vil på fritida heile året.
Vi har treningsstudio i ypperleg kvalitet. Til bruk både i undervisninga og i fritida. Les meir om treningsstudioet her.
I Hafstadparken fins det to fotballbaner, fleire sandvolleyballbaner, ballbinge, skatepark og sykkelløype. I tillegg har vi det beste klasserommet i heile verda, naturen i Sogn og Fjordane.
Dei kristne folkehøgskulane har eit kristent verdigrunnlag. Dei er eigde av, eller knytt til, kristne organisasjonar eller trussamfunn. Dei vil gjerne ha elevar med ulike interesser og livssyn.
