Frå råvare til digge matprodukt

Kva kan du gjere med ein slakta gris, geit, sau, elg, hjort eller rype? Rips, solbær, blåbær, multer, geitrams, plommer, epler, sopp, grønsaker, ost, mjøl, egg, fisk, poteter, urter og andre råvarer?

Er du nysgjerrig på kva du kan gjere for å forvandle desse råvarene til deilige matprodukt og rettar, som og er berekraftige? Og vil du vere med å lage gode måltid til andre, til ulike høgtider og situasjonar? Då er denne linja noko for deg. Vi vil fokusere på å foredle og lage mat og matprodukt av dei råvarene naturen og bonden gjev oss. Det blir og viktig å fokusere på mattradisjonar både frå Setesdal og andre plassar i landet, og leike oss med å kombinere dette med nye matlagingsmetodar og trender.