Idrett.Ball - haust

Du er typen som likar å vere i aktivitet. Og aller helst både i gymsalen, på treningssenteret og i friluft.

I Sør-Afrika får du høg puls i ditt fyrste fallskjermhopp og i verdas lengste strikkhopp på 216 meter. Men du får også eit bankande hjarte i møte med menneska i «Homeless Soccer»-prosjektet i Townshipen i Cape Town.

I løpet av året vil du kjenne den gode kjensla når du går i urørt natur. Spenninga når paraglideren får luft og bølgja tek tak i surfebrettet. Smerta over ei litt for hard takling eller når ei paintballkule treff deg i ryggen.

Gleda over eit drømmetreff på fotballbana. Ikkje berre i 2 x 45 minutt, men eit heilt år. Eit heilt år med garderobestemning, samhald og gode lagkameratar.

Det meste av det beste: 
Sør-Afrika | Fallskjerm/Cape Town | Surfing i Hoddevika | Fotball | Volleyball/beachvolley | Golf | Treningsstudio | Surfing på Stad | Squash/badminton/padel | Klatring | Stup/symjing | Go-kart | Frisbeegolf/fotballgolf | Paintball | Leirdueskyting | Topptur Sunnmørsalpane | Strikkhopp 216 m | ATV/Zipline

Info om halvårskurs:
For mange kan det vere vanskeleg å få til eit heilt år på folkehøgskule, enten på grunn av militærteneste, studiar eller jobb. Då kan eit halvårskurs vere ei glimrande løysing. Det er lenge nok til at du blir kjent med elevane og kjem inn i det sosiale miljøet.

Linjeinnhaldet kan variere noko frå år til år, mellom anna pga veret. Sidan studieturen ligg på hausten, er prisen høgare på haust enn vår. Då er det greitt å vite at du får støtte frå Lånekassen.

Sjekk ut YouTube-kanalen
Les skulebrosjyra på nett
Les meir om Idrett.Ball på sunnmore.fhs.no