Sunnmøre Folkehøgskule

Eit friår er ikkje det same som eitt år fri. I staden sei vi at det er eit år med fridom til å lære. Og folkehøgskulen er ikkje opptatt av karakterar, men av karakteren din. Difor har vi nokre fellesfag som vi kallar for danningsfag. 

Med danning meiner vi forenkla sagt den kunnskapen du sit igjen med etter at du har gløymt det du har lært. Tygg litt på den!

Det handlar om noko meir enn faktalærdom og om å ta imot formidling. Det handlar om det som festar seg. Då snakkar vi - med litt store ord - om ein skule for livet. 

Lukk

I løpet av skuleåret kan du velge mellom 35-40 valfag som alle er inkludert i skulepengane. Valgfagane er på mandagar og fredagar der nokre av dei er på tre timar, andre ein heil dag. Då kan du lære nye ting eller gjere meir av det du likar best. Slik kan du sette saman ditt eige år. NB: Tilbodet kan variere noko frå år til år.

Ballspel

Det er lite som er så gøy som ei knallhard ballspeløkt med gode lagkompisar. Dei får du mange av, anten du er mest gira på volleyball, futsal, basket, innebandy eller andre ballaktivitetar.

Band/vokal/studio

Her kan du utfalde deg i samspel med andre på ulike instrument innanfor tradisjonell pop/rock-besetning. Undervisninga foregår i heilt nye øvingslokaler med eige studio og Mac'ar klar til bruk.

Barista

I skulen sin eigen vesle kaffebar kan du lære meir om prosessen frå kaffebønne til kaffekopp. Det blir tid til både espressobaserte drikkar, handbrygg, Latte Art og besøk på kaffebrenneri.

Dans

Skulen har mange gira dansarar. I dette valfaget kan du få terpe trinn, lære nye bevegelsar og oppleve danseglede. Dansestilane er til dømes hiphop/funk og jazz/contemporary.

Filmproduksjon

Eit folkehøgskuleår er spekka med opplevingar. Nokre av dei lagrar du på netthinna. Andre festar du til film. I dette faget lærer du korleis du kan jobbe med opptak, redigering og etterarbeid.

Fotball

Eit fag med mykje leik med ball og sjølvsagt mykje spel. Gjennom øvingar og spelsituasjonar får ein utvikle seg sjølv og samstundes evna til samspel med andre. Læraren har erfaring frå 1. div-spel.

Friluftsliv, topptur vinter

Dette er faget for deg som er glad i toppturar på ski eller brett. I løpet av vinteren/våren går vi på ei rekke kjende, kvasse og spektakulære toppar i Sunnmørsalpane - så lenge forholda tillet det.

Friluftsliv/segling

Her vil du segle nokre av dagane. Andre dagar kan du klatre, padle kajakk, gå på fjellturar eller lage mat på bål. Dette er eit fag for deg som har lyst å oppleve meir av både sunnmørske fjell og hav.

Futsal

Futsal er innefotball i gymsalen med høgt tempo, harde taklingar, leikne detaljar og kjappe finter. Økta består av noko øving og mykje spel. Lærar Per Bernt har erfaring frå 1.div-spel.

Gitar

Dette er eit nybegynnarkurs i gitar. Her lærer du nokre sentrale akkordar og litt om korleis akkordar er bygd opp. Læraren er i norgestoppen som allsanggitarist. Betre vegleiar finn du ikkje.

Golf

Golf-faget passer både for den etablerte golfar og for deg som aldri har rørt ei golfkølle. Her trenar vi teknikk (grep, sving og oppstilling) på driving rangen, putting greenen og den lokale bana.

Hybelmat

Lær deg herlege rettar til studentlivet. Her kan du plukke opp gode middagstips. Vi lagar mat etter prinsippet sunt-godt-billeg. Etter faget kan du kanskje imponere som kokk til kvardag og fest.

Innovasjon og Design

Dette er for deg som likar å leike, utforske, skape, utvikle, bygge, teste, fikse og lage prototypar. Her finn du 3D-printerar, laserkutterar, elektronikklab, vr-briller, robotar og mykje meir.

Klatring

Klatring i ny klatrehall, på utendørs klatrefelt eller på buldresteinar på Flø. Målet er grunnleggande sikrings- og bevegelsesteknikkar. Det blir lagt tilrette til å gå opp til brattkortprøva.

Knivlaging

Her får du designe ditt eige knivskaft, tilpasse og utforme det slik at det passar til bladet. Til slutt lage ei lærslire som passar til den ferdige kniven. Så kjapt har du din eigen kniv og slire.

Kreativ foto

Du lærer komposisjonsmessige og fototekniske grep for å ta bedre bilder. Det blir jobba med motivvalg og ulike teknikkar. Tema vil vere naturfoto, portrett og motefotografering.

Kvilepuls

Nokre gongar går verda for fort. Då er det lurt å lære korleis du kan roe ned tempoet. I faget blir det varierte økter med yoga, spa, strikking, bålkos, maling, musikk, massasje, basseng og god mat.

Longboardverkstad

Lag ditt eige longboard. Vi formpressar og limer saman finèr til brett. Deretter byrjar designprosessen i forhold til form, uttrykk og funksjon - og til slutt bruk av lakk og maling.

Maling

Vi malar på lerret med akrylmaling. Vi jobbar med billedkomposisjon, fargebruk, trykkteknikkar, behandling av verktøy, collage og decoupage, din eigen kreativitet og enkel photoshop.

Mat på bål

Lyst på pizza steikt på bål i ein kjele med sand? Eller lammelår tilberedt i ei kokegrop halvmeteren under jorda? Eller kanskje mørbrad pakka i deig og steikt rett på bålet? God fordøyelse!

Maxpuls

Eit praktisk fag der du får køyrd deg åleine eller i grupper. Du vel sjølv fordjuping: styrke, uthald eller crossfit. Gratis treningssenter 50 m frå skulen og gode løpestiar rett utafor døra.

Piano

Du får opplæring i piano med vekt på besifringsspel. Vi har mange piano på skulen, både el og akustiske. Det ligg difor til rette for at du kan halde fram med å øve lenge etter at timen er over.

Redesign

Vi startar faget med eit besøk på Fretex (gjenbrukbutikken). Her kjøper vi plagg og brukte kle som vi etterpå designar og syr til eigne, nye kle. Vi kan òg jobbe med møblar, lamper og liknande.

Sjakk

Tidlegare har du spelt nettsjakk eller saman med vener, men no er tida inne for å ta det eit skritt vidare. Fokuset blir på opnings- og sluttspel og målet er at du skal utvikle spelferdigheitene dine.

Skating

Møre Skatehall er ein perfekt leikeplass! Her har du 500 kvadratmeter å boltre deg på. Du finn to ramper og ein street-del. Ein av timelærerane, Johannes Aukan, har forresten vore med i X Games. 

Skriveverkstad

Gira på å auke skrivelysta di? Maria Parr, forfatteren av Vaffelhjarte og Tonje Glimmerdal, er klar til å hjelpe deg med det. Ho lovar store mengder med skriveglede, uansett nivå. 

Squash

Skulen har ein lærar som er ein råtass i squash, og 50 meter unna skulen ligg squashbanene. Det er ein bra kombo. Fokuset er på slagteknikk og spilleforståelse, og framgangen ser du frå økt til økt.

Stop poverty

Kvart år samlar elevane inn pengar til eit prosjekt i Ilula i Tanzania. Førre skoleår kom det inn nær 650.000,- kroner. I dette faget kan du vere med å planlegge og gjennomføre det elevstyrte arbeidet

Teatersport

Her skal du leike og le, improvisere og dramatisere. Du lærer grunnleggande reglar i teatersport der både skodespelarar og publikum spelar ei aktiv rolle. NB: Du bør ikkje ta deg sjølv så høgtideleg!

Terrengsykkel

10 fatbikes står og venter på deg som likar å sykle i eit spektakulært fjell-møter-hav-landskap. Det er også flotte, tekniske stiar i nærleiken. Lærar Henrik har vore svensk landslagskøyrar i Trial.

Vokalgruppe/kor

I vokalgruppa syng vi fleirstemte songar i ulike musikalske sjangerar som f.eks pop, jazz, musikal eller klassisk. Kanskje vert du utfordra til å vere solist eller dirigent på ein minikonsert.

Volleyball

Det vert fokus på teknikktrening, mykje spel og innlæring av ulike roller i angrep og forsvar. Det er eit fag der du kan få stor framgang lagmessig og individuelt. På våren deltek du på ei turnering.

Volontør

Her står omsorg i sentrum! Det blir møter med menneske frå ulike samanhengar i nærmiljøet til skulen, på heimebesøk hjå gamle og opplegg saman med flyktningar og einslege asylsøkjarar.

X-fit

X-fit er inspirert av treningsforma Crossfit og er ei variert og funksjonell trening, utført med høg intensitet. Du trener både styrke og kondisjon, og X-fit er god basistrening - uansett idrett.

Yoga

Eit fag der fysisk aktivitet og mindfullness møter kvarandre. Du får øvelsar som gjev styrke, fleksibilitet, balanse og avspenning, ro og nærvær. Yogastilane vil vere ashtanga, vinyasa og yin.

Di nye Heimebane

Velkomen til bygdebyen Ulsteinvik. Dette er ein stad med ca 8000 innbyggarar og er eit handelssenter for ein region på drøye 25.000 mennesker. Ulsteinvik ligg rett sør for Ålesund og har blitt blitt kåra til Noregs mest attraktive tettstad. Byen er kanskje mest kjend for ein verdsmeister i hekkeløp, NRK-serien Heimebane, skipsindustrien og fotballaget Hødd. 

Ulsteinvik er utanfor allfarveg. Heldigvis! Men ikkje lengre unna enn at du kjapt kjem deg dit du vil. Om du vil flyge, har du fleire val. Du kan flyge SAS/Norwegian frå Ålesund lufthamn, Vigra. Den ligg 45 min frå skulen. Enda nærare er Widerøe sine avgangar frå Ørsta-Volda lufthamn, Hovden. Den er berre ein knapp halvtime frå skulen. 

I tillegg går det to daglege bussavgangar frå Ulsteinvik i retning Oslo. Det er òg god bussforbindelse i retning Trondheim og Bergen. 

Finn reiserute fra der du bor

• Ulstein Arena med badeland og klatrehall*
• Stort treningssenter 50 m frå skulen*
• Kulturhus med kino- og konsertsal
• Ulike kaffebarar og spisestadar
• Fleire kjøpesenter
• Golfbane
• Flytstiar for terrengsykling
• Ny innandørs friidrettshall
• Ny turnhall med trampoliner og skumgrop
• Ny fotballstadion med innandørs fotballhall (Hødd)

* Fri tilgong om du er medlem i skulen sitt lokallag av KFUK-KFUM (500 kr per skuleår)

Det finst nesten ikkje vanlege veker på ein folkehøgskule. Til det er det for mykje som skal gjerast på kort tid. Nokre veker er vi på studieturar. Andre perioder har vi musikalprosjekt og skiveke eller vi flyttar heile skulen ut på landet og lager vår eigen festival på ein opplevingsgard.

Litt struktur er det likevel i kvardagen. Under finn du eit døme på det næraste vi kjem ei gjennomsnittsveke.

Folkehøgskulelivet, og for så vidt livet generelt, liknar på Sunnmørsalpane - det går opp og ned. Det fine er at du møter dagane med gode vener i ein heilt annleis skulekvardag enn det du er van med frå tidlegare. Faga er færre og fridomen er større. Det gjer året ulikt frå veke til veke.
Kva som blir ditt høgdepunkt i året gjenstår å sjå, men kikk på vedlegget så får du ein smakebit...

Kvart år samlar vi inn pengar til vår Stop Poverty-kampanje. Dei siste åra har vi samla inn 500.000-700.000 kroner. Desse midlane går til eit arbeid for foreldrelause born og unge åleinemødre i Ilula i Tanzania. Våre samarbeidspartnarar er Ilula Orphan Program og Ilula YWCA. 

Stop Poverty er ein kampanje utvikla av KFUK-KFUM Global der målet er å utrydde ekstrem fattigdom innan år 2030. Utgangspunktet er at Gud har skapt nok ressursar til alle, at fattigdommen er menneskeskapt og at vi menneske difor kan utrydde den.

"Skulen er ein heim, og denne heimen er ein skule".
Desse orda er henta frå skulen sine over 100 år gamle ordensreglar, og gjeld den dag i dag. Du merkar det på ulike måtar. Kvar ettermiddag og kveld, vekedag som helg, er det mykje liv og røre i gymsalen, dansesalen, formingssalen, treningsstudioet, musikkstudioet, øvingsrommet, kapellet og elevstover.

Og om du skulle trenge nokon som pusher deg litt ekstra; ikkje ver uroleg. Vi har 13 fjorårselevar som er handplukka for å skape god stemning slik at du får eit så bra år som mogleg.

Her er berre ein liten smakebit av alt det som skjer av kveldsaktivitetar:

• Fri tilgong til Ulstein Arena med badeland og klatrehall*
• Fri tilgong til treningssenteret vegg-i-vegg med skulen*
• Fri tilgong til gymsalen vegg-i-vegg med skulen 
• Fotball- og volleyballtreningar kvar veke
• Elevkveldar/miljøkveldar kvar laurdag
• Kapellsamlingar kvar mandag
• Formingsaktivitetar
• Quiz-kveldar
• Filmkveldar

* = Medlem i skulen sitt lokallag av KFUK-KFUM (500 kr per skuleår)

I opptaket vert fylgjande kriterier vurdert: 

• Aldersgrense 18 år
• Oppgåver/verv i KFUK-KFUM
• Skulen vurderer samansetninga av elevar
• Relevant informasjon om eventuelle sosiale, fysiske eller medisinske forhold
• Inntak av elevar med behov for særskilt tilrettelegging vert gjort ut frå skulen sin kapasitet og kompetanse

Linja Global.Safari kan vere utfordrande for personar med nedsett helse og spesialkost grunna krevjande utlandsreiser

Bygninger

Heile skulen er under eitt tak, og er i stor grad universelt utforma. Det betyr at du kan bevege deg frå rommet ditt til matsalen og dei ulike klasseroma utan å måtte opne mange dører eller ha på ytterkle.

Vi har innført støydempande tiltak i matsalen, og vi kan legge til rette for teleslynge. Bygningsmassene er tilgjengelege for rullestol og skulen har eit overnattingsrom tilpassa rullestolbrukar.

Alle elevrom har eige bad på rommet. Skulen har også eit handicaptoalett i fellesområde, og heis som gjer at ein lett har tilgang til alle etasjer dersom ein har nedsett bevegelsesevne. Ytterdørene er sensorstyrt med automatisk opning og lukking.

Mikrofonar og lydanlegg finst i alle felles undervisningsrom, og teleslynge er i fleire av dei.

Mat

Vi tilpassar allergiar og spesialkost som til dømes gluten- og laktosefri mat. I tillegg har vi tilbod om vegetarmat. Gje oss beskjed i god tid slik at vi kan legge til rette for deg. 

Faglig og sosialt

Vi ynskjer å skape eit fagleg og inkluderande miljø for alle elevane på skulen. Til å hjelpe oss med det har vi mellom anna stipendiatar (andreårselevar). Dei bidreg med sosiale aktivitetar på ettermiddag og kveldstid. Skulen har også ei tilrettelagt linje Bo.Aktiv for dei som treng ekstra tilrettelegging, fagleg eller sosialt.