Movement X - Modern Circus - Fjordane Folkehøgskule

Mandatory: Yes

Price: Included in course price

For motivasjon og nye impulsar reiser sirkusklassen på ein årleg utanlandstur. Vi ønskjer å oppleve mangfaldet av sirkuskulturen som ein finn i Europa, og reiser derfor med tog innom fleire land og byar, for å gje deg så mange gode sirkus- og kulturopplevingar som mogleg. I tillegg er vi opptekne av at turen skal vere miljøvennleg, og tog er derfor det naturlege framkostmiddelet for oss.

Skuleturen er inkludert i skulepengane. Den står fast på programmet i vårsemesteret, og destinasjonane varierar frå år til år. Dette skuleåret fekk elevane mellom anna sjå den eine sirkuslæraren opptre på Cirque du Soleil i Barcelona! Turen gjekk vidare gjennom vakre Italia der vi besøkte to sirkusskular i Torino, og såg ei kjend forestilling i Milano. Vi avslutta reisa med eit opphald i København, der vi både var med Juggling Convention og besøkte sirkusskulen i byen.

Formålet med turen er i første rekke å få fagleg inspirasjon og påfyll. Vi reiser heim med ny motivasjon og lærdom, etter å ha fått møtt andre med samme interesse og eit større fagmiljø innan nysirkusverda. I tillegg til at du skal få utvikle deg fagleg, er det sjølvsagt eit viktig poeng at vi skal ha ein kjekk klassetur saman. Vi har mange fine sosiale opplevingar i lag, ser gjerne et sirkusshow eller to, og utforskar byens kultur og sjåverdigheiter.

Fellestur til Filippinene – NY TUR FOR 2025/2026

Price: 25 000

Dette skuleåret får du sjansen til å vere med på ei reise til Filippinene som du seint vil gløyme. Gjennom bistandsprosjektet «Prosjekt Filippinene» skal vi i løpet av skuleåret bidra til å betre oppvekstvilkåra til born og unge på Filippinene, for å gje dei ei lysare framtid.

På denne givande studieturen vil du oppleve landet på nært hald og sjå korleis innsatsen din utgjer ein forskjell. Du vil bli kjent med det vakre landskapet, dei varme folka og den unike kulturen. Du vil også få oppleve sterke kontrastar når vi skal besøke både barneheimar, slummen og barnefengsel, til dei meir glansfulle stadane som ferierande turistar i landet.

Sjølv om vi prioriterar kortreiste turar og vel buss framfor fly, gjer vi eit bevisst unntak for turen til Filippinene på grunn av prosjektet si enorme betydning. I bagasjen tar vi òg med oss alt vi kan om miljøvern og avfallshandtering, slik at vi også kan bruke turen som ei moglegheit til å dele kunnskap om korleis vi alle kan ta betre vare på planeten vår – spesielt med tanke på plastavfall i havet, som er ei stor utfordring på Filippinene.

Bli med og opplev korleis bistandsarbeidet vårt kan forandre liv og gje håp for framtida. Dette blir ein fellestur du aldri vil gløyme!

Vi vil oppdatere med meir informasjon, pris og dato når dette er klart. Prisen som ligg inne er eit estimat. Bilda er lånt frå «Prosjekt Filippinene».

Kvifor reise langt og sette djupe klimaavtrykk når vi bur midt i den fantastiske og verdskjende naturen på Vestlandet? Med fjord, fjell og hav rett utanfor skulen har vi mange skjulte perler som vi vil dele med deg.

Fellesturane våre er viktig for å byggje samhald på tvers av linjene. Her vil du:

Bli betre kjent med både likesinna og menneska som du elles aldri ville møtt.
Kjenne på den gode stemninga, latteren og historiene som blir fortalt.
Oppdage nye sider av deg sjølv og sjå menneska rundt deg med nye auge
Få eit kjekt avbrekk, sjå nye plassar og dele opplevingar med andre.

Her er oversikta over turane du kan delta på i skuleåret 2025/2026:

Strandryddeseilas

Mandatory: Yes

Price: Included in course price

Duration: 2-3 dagar

Vi ryddar søppel og plast langs kysten vår! Samstundes skal vi ha base i den restaurerte galeasen "Loyal". Ein galeas er ei mellomstor seglskute som var vanleg i dei nordiske landa på 1800 og 1900-talet.

Dagane vi er på tur består av segling mellom ulike ryddeplassar langs kystlinja vår, samstundes som vi tar del i arbeidet ombord den tradisjonsrike seglskuta. "Loyal" er utstyrt for fleire dagars seglas med toalett og ei fullt utstyrt bysse for matlaging. Mannskap og elevar lagar måltid i fellesskap.

Vi brukar dagane på å rydde dei ytre øyane og ubebudde plassar og vikar utan veg for marint avfall. Vi prioriterar meir utsette område, og område som er vanskeleg å kome til utan båt. Alt etter kva vêret tillèt sjølvsagt. Dette er i hovudsak fantastisk flotte plassar å få besøkje i seg sjølv!

På strandryddeseilaset kan du oppleve:

Vere med og rydde strendene for plast og søppel
Sette garn og krabbeteiner
Fiske
Lage mat av sjølvfanga råvarer
Segle med Loyal
Småturar til lands og til vanns

Loyal vart bygd i Hardanger i 1887 og er med det den eldste galeasen i verda som framleis kan segle!

Fjord Explore

Mandatory: Yes

Price: Included in course price

Duration: 2 dagar

Ein spennande utforskingstur i maritimt fjordmiljø. Krokpollen ligg i ei lita bortgøymd bukt, utan veg. Hit må du ta beina fatt eller ta sjøvegen for å kome fram. På denne turen står sjøaktivitetar i fokus. Her blir det bading, fisking, roing og padling, segling på fjorden som gir deg ro i sjela eller adrenalinkick der du ligg i ei tube bak motorbåten. Du får ete di eiga nykokte krabbe, vere med på allsong og høyre trekkspel i ustemt harmoni utover kvelden. Vi slår opp bålplass og du kan velje å sove i hengekøye, telt eller innandørs.

Surf, fjell og camp - Overnattingstur til Hoddevik

Mandatory: Yes

Price: Included in course price

Duration: 2 dager

I starten av skuleåret reiser vi på ein "bli kjent-tur" til vakre Hoddevika. Dette eineståande surfeparadiset ligg berre ein liten time i bil unna skulen vår. Alle som vil, får prøve seg på surfebrettet – ei fantastisk oppleving enten du er heilt fersk eller er meir dreven på bølgene. Dersom du er glad i å gå på tur, byr Hoddevika også på fleire flotte turopplevingar i fjella som ligg rundt. Vi tar turen opp til toppar med fantastisk panoramautsikt! Ellers kan du glede deg til mange kjekke aktivitetar ilag med resten av gjengen, og til å avslutte dagen rundt bålet på stranda.

Vintertur til Stigedalen

Mandatory: Yes

Price: Included in course price

Duration: 2 dager

Turen til Stigedalen er spekka med kjekke snøaktivitetar. Her er det langrennsløyper rett utanfor døra, akebakkar, grillhytte og fine forhold for mykje moro. Heile skulen er med på denne overnattingsturen, og det foregår mykje sosialt både ute og inne. Vi akar, har snø-rugby, lagar snøskulpturar, grillar, går på ski, har talentkonkurranse, quiz, spelar spel, ser på film og et god mat.

Fjordane Folk High School is a school where you get to do a lot of what you like the best:

line subjects five days a week
many exciting electives and specialization courses in the afternoon and evening.

Characteristics:

High quality on all lines
Skilled and committed teachers
Great school facility with a special touch, in the heart of Nordfjord
The students live in small houses, pavilions, with room for ten people
Auditorium with room for 350 people where there is a stage, cinema screen and sound system
Private cinema / games room, fitness room, outdoor whirlpool, table tennis and pool table, sewing room and outdoor volleyball courts
Spacious and well-equipped classrooms
Viking garden with a longhouse

At Fjordane you are an important contributor to the community on the line, but you are also important to the entire Fjordane family , regardless of line choice, interests and prerequisites. Our school takes sustainability seriously, and we are Eco lighthouse certified. We work continuously to reduce our climate and environmental emissions. The joint trips go to destinations in the local area, and we look forward to showing you the best the western part of Norway has to offer in terms of spectacular nature experiences . Fjordane Folk High School is located in the center of Nordfjordeid , in the middle of the beautiful region Nordfjord. The mountains, the fjord, shops, swimming pool, cinema, culture house, fitness center and cafes are a short walk from the pavilion you live in.

Movement X - Modern Circus

Study trip for the course:

Study trips for the school uke 4

Fellestur til Filippinene – NY TUR FOR 2025/2026

Study trips for the school

Strandryddeseilas

Fjord Explore

Surf, fjell og camp - Overnattingstur til Hoddevik

Vintertur til Stigedalen

Courses at the school