Meir praktisk kunnskap – ein skule for livet!
![](/uploads/2016/10/claus-Røynesdal.jpg)
Berre 60 prosent av elevane fullfører vidaregåande skule på normert tid. Dette er eit nasjonalt traume. Det er ei formidabel utfordring å leggje til rette for mangfald, meistring og motivasjon for heile elevårgang en, kvart år. Det er jo nettopp dette som gjer skulen spanande og utfordrande.
Utdanningsdirektoratet gjennomfører i perioden 2013–17 ei storstila satsing med namnet «Ungdomstrinn i utvikling». Målet er å finne fram til meir varierte, spanande og motiverande former for undervisning, slik at fleire elevar i ungdomsskulen opplever læringsglede og meistring. Dersom fleire elevar finn ungdomsskulen meir gjevande og utbyterik, vil fleire fullføre vidaregåande skule.
Det er eit paradoks at problemet fråfall hovudsakleg vert problematisert av fylkeskommunane og dei vidaregåande skulane. Saka er i røynda at fråfall må sjåast i ljos av opplæringa i grunnskulen. Problemet må i større grad adresserast, som ei «sjølvmelding», til kommunane som grunnskuleeigarar. Dersom kommunane hadde eigd vidaregåande skule, ville fråfall vore eit hovudtema til ordførar, rådmann og oppvekstsjef. Slik er det ikkje i dag, av di det er nokon andre som «eig» problemet.
I folkehøgskulen treffer vi ungdom som vil ha varierte, spanande og motiverande undervisningsformer. Dei vil gå i djupna på eit fag, men ikkje gå opp til eksamen. Dei vil øve, utan å ta prøve. Musikkelevane våre vil ha praktisk undervisning og gatekonsert på Vossajazz. Etter å ha målt krefter med Raundalselva får elevane på ekstremsportlina ei fossande forståing for varig vern av vassdraget. Elevane på film og foto lagar seg nye framtidsbilete.
Folkehøgskulane er eit skuleslag for resten av livet. Dei åtti skulane har over tre hundre ulike linjer, slik at ungdom kan velje fordjuping, forståing og utfordring på ei rekkje fagområde. Kanskje det beste skotsmålet til folkehøgskulane er nettopp at ungdomane finn att gløden og læringsgleda, at dei er teoretisk og praktisk førebudd til vidare utdanning. I skuleåret 2016–17 har folkehøgskulane i Noreg 107 prosent dekning, og tilbodet er større etterspurt. Vi kan sjå det som eit teikn på at ungdom vil ha ei opplæring som er praktisk og livsnærverande. Satsinga på meir varierte og motiverande undervisningsformer i ungdomsskulen må halde fram etter 2017. Det er her «slaget» står.
Claus Røynesdal er rektor ved Voss folkehøgskule
Mest lest
![NTNU-professor om folkehøgskole: – Har blitt viktigere for unge i…](/uploads/2024/03/SK-500x330.jpg)
NTNU-professor om folkehøgskole: – Har blitt viktigere for unge i…
Professor ved NTNU, Steinar Krokstad, mener folkehøgskole for mange er et år…
![Johannes og Erlend anbefaler flere gutter å velge folkehøgskole](/uploads/2024/03/IMG_20240307_152121_MP-500x330.jpg)
Johannes og Erlend anbefaler flere gutter å velge folkehøgskole
Johannes Ek-Stenmo (20) og Erlend Julian Våbenø (19) søkte begge et avbrekk…
![Madelén (31) begynte på folkehøgskole etter juristutdannelsen](/uploads/2024/05/Studio-1-Madelen-500x330.jpg)
Madelén (31) begynte på folkehøgskole etter juristutdannelsen
Følte seg ikke klar for arbeidslivet.
![Norges tøffeste-Inga om folkehøgskole: – Beste året i mitt liv](/uploads/2024/06/427377483_425148730185559_1260557194766752927_n-e1718183996835-500x330.jpg)
Norges tøffeste-Inga om folkehøgskole: – Beste året i mitt liv
– Folkehøgskoleåret ga meg mye erfaring innen trening. Det var der jeg…
![Dennis Vareide om folkehøgskole: – Det faglige nivået er imponerende](/uploads/2024/03/Egmont-People-Profiler-March-2021_Zervos-1340-500x330.jpg)
Dennis Vareide om folkehøgskole: – Det faglige nivået er imponerende
Youtuber Dennis Vareide mener folkehøgskole kan brukes som et steg inn i…
Mest delt
![Ta sommerferien på folkehøgskolenes sommerhoteller](/uploads/2024/05/Lofoten-500x330.png)
Ta sommerferien på folkehøgskolenes sommerhoteller
Blir det Norgesferie i sommer? Da bør du sjekke mulighetene for å…
![Se alle folkehøgskolenes ledige restplasser](/uploads/2023/04/Karmoy-Torkild-Groven-ute-reise-europa-2-500x330.jpg)
Se alle folkehøgskolenes ledige restplasser
Har du enda ikke søkt folkehøgskole? Da har du muligheten nå. Folkehøgskolenes…
![Dette er de 10 mest populære linjene på folkehøgskole](/uploads/2023/01/FHS-Nord-Norge-ute-vinter-friluftsliv-fjell-topptur-jente-hund-klem-dyr-500x330.jpg)
Dette er de 10 mest populære linjene på folkehøgskole
Søknadene strømmer inn til folkehøgskolene. Her er de 10 linjene som har…
![Disse ti tingene bør du vite om opptaket til norske…](/uploads/2023/02/Karmoy-Torkild-Groven-ute-host-idrett-kajakk-bat-gruppe-lek-1-500x330.jpg)
Disse ti tingene bør du vite om opptaket til norske…
Folkehøgskolene har ingen søknadsfrist. Det er likevel lurt å søke nå.
![Søknadene strømmer inn](/uploads/2021/01/Lundheim-Vigdis-Dikkanen-500x330.jpg)
Søknadene strømmer inn
Det er travelt på folkehøgskolene i disse dager. Tusenvis av søknader skal…